Pictorial Essay: Japan (ni Pauline Paluero)

Tokyo Tower

Ang Tokyo tower ay is sa mga pinupuntahan ng mga turista sa Japan. Ito ay may taas na 1 ,092ft. Pangalawa ito sa pinakamataas na istraktura ng Japan. Mahalaga ang pag gawa ng istrakturang ito dahil isa ito sa mga pinagkukuhaan nila ng signal para sa pang komunikasyon

Cherry Blossoms

Ang Cherry blossoms ay mas kilala sa Japan na “Sakura.” Ito ay makikita mo kahit saang parte ng kalsada ng Japan. Ang puno na ito ay may mga puma-panahon lamang, pinaka maganda ang tubo ng mga ito tuwing buwan ng Abril. Talaga namang mabibighani ka sa ganda ng kulay nito at ito ay makikita mo kahit san ka mag punta sa malalamig na lugar sa Japan. 

Mt. Fuji

Ang Mt. Fuji ay ang pinakamataas na bundok sa Japan. Dito ko unang nakita ang nyebe o ang tinatawag na “Snow.” Noong nakapunta ako dito, halos 3 ang patong ng aking damit dahil sa sobrang lamig at talagang masaya ang pag hawak ng nyebe at masakit pala talaga pag binato ka nito.

Hachiko

Si Hachiko ay ang pinaka kilalang aso sa Japan dahil sakaniyang katapatan sa nag mamay-ari sakaniya. Ang kwento ni Hachiko ay talagang tatagos sa ating puso dahil sakaniyang katapatan at pag mamahal niya sa kaniyang amo. Dahil sakaniyang istorya, nagkaroon ito ng palabas. Ang statwa ni Hachiko ay isa sa mga pinupuntahan ng mga turista sa Shibuya, Japan.

Ramen Museum

Dito sa Ramen Museum, matitikman ang talagang orihinal na Ramen. Iba’t ibang klase ng lasa ng mga ramen dito ngunit kahit pa man iba iba ang lasa ng mga ito, masasarap din lahat ito. Ayon sa mga Japanese, kapag maingay ang pag higop mo ng noodles ng ramen, ibig sabihin nito ay nasarapan ka. Maaari ka din bumili ng packed ramen pang pasalubong.