Tagong Yaman ng Pilipinas: Batanes (ni Karissa Habaña)

November 22, 2017

Tagong Yaman ng Pilipinas: Batanes (ni Karissa Habaña)

Noong May 2015, kami ng pamilya ko ay nagpunta sa Batanes. Ang Batanes ay matatagpuan sa hilagang parte ng bansa, ika nga ang pinaka ulo ng bansa. Ang capital ng Batanes ay Basco. Ang biyahe mula sa Maynila papuntang Basco ay mahigit na Tatlong oras. Pag tungtong naming sa Basco ay nagbiyahe pa muli kami papunta sa aming hotel. Apat na araw kami sa Batanes. Ang hotel na tinulugan naming ay ang Fundacion Pacita. Gawa ito sa bato.

Nagsimula kami maglibot sa Basco. Dito naming nakita ang Lighthouse. Nakita namin ang Valugan Boulder Beach. Dito, makikita natin ang malalaking bato na bilog. Hindi ito man made. Pinuntahan din naming ang Vayang Rolling Hills. Mayroon itong trekking. Mahirap nga lang dahil matataas ang mga ibang parte ng bundok. Pag silip mo sa cliff, makikita mo ang Pacific Ocean. Kay ganda ng tanawin.

Sa pangalawang araw naming, inikot naming ang probinsya ng Ivana. Malayo-layo ito sa Basco, mahigit dalawang oras ang biyahe. Sa kalagitnaan ng biyahe, pumunta kami sa isang reef. Wala pang tawag dito dahil hindi pa ito DOT verified. Makikita natin dito ang reef na napaka ganda kapag low tide ngunit malakas ang alon. Pagdating naming sa Ivana, pinuntahan naming ang Honesty Shop. Dito, walang kaherang nagbabantay o CCTV. Maari mong kunin ang gusto mo at bayaran sa isang kahon. Barya lang ang pambayad. Pumunta din kami sa napakagandang Marlboro Country. Dito, pwede ka lumibot sa magagandang bulubundukin at sumayaw at kumanta katulad ni Julie Andrews. The hills are alive!

Sa pangatlo naming araw sa Batanes, nagpunta kaming Sabtang Island. Upang pumunta sa lugar na ito, kailangan mong sumakay ng bangka. Isang oras na biyahe ito. Pagkadating naming sa Sabtang, sumakay kami sa mga 4x4 na sasakyan. Mabato at matatarik ang daan kaya kailangan ito ang mga sasakyan. Nakita naming dito ang magagandang Bahay na Bato. Ginawa lamang ang mga bahay na ito gamit ang kamay. Sa Morong Beach makikita ang Kissing Stones. Dito din naming pinuntahan ang Chamantad-Tiñan Cove. Mala-Scotland ang lugar na ito. Maari ong puntahan ang cliff kung saan makikita mo ang buong South China Sea.

Sa pangapat naming na araw, nagimpake na kami para bumalik na sa Maynila. Inaanyahan ko kayo pumunta ng Batanes. Masarap ang hangin at magaganda ang mga tanawin ang makikita niyo dito. Sobrang sulit ang bayad ninyo papunta dito. Hindi niyo na kailangan pang pumunta ng ibang bansa para makita ang mga magagandang bundok. Dito mismo sa Pilipinas mayroon na.